18 SUKTA TANTANAKUY ALCALDIATA MASKAN

Ñami kitipa ñawpaman apak ukupa akllaykuna chayamunajun. Alcaldiapak kamachiyta rikuk tantanajuypi kanapashmi mishariypi kan. [Versión Español] Radionovelakunapi: Jaboneropak Ayllullaktapi.

<< ANTERIOR || SIGUIENTE >>

LIBRETO

CONTROL MÚSICA CARACTERÍSTICA

LOCUTOR Chunka pusak capítulo

LOCUTORA Sukta tantanakuy shuk alcaldiata maskashpa

CONTROL MÚSICA CARACERÍSTICA

EUSEBIO Ñami kitipa ñawpaman apak ukupa akllaykuna chayamunajun. Alcaldiapak kamachiyta rikuk tantanajuypi kanapashmi mishariypi kan. Mamallaktapika, pandemia llakikuna katinajukpipash, tukuymi ashtakata kuyurijun. Kaytaka Jaboneropak llaktapika ashtawanmi rikurin.

AMARU Alcaldiata mishashpaka, ñukanchikka, kallariguta kallarinkapaka, tukuylla kitipi kawsakkunaman vacunata churashun. Pipash vacunata mana munashpaka, ama churarichun. Shinapash, ñukanchikka mana ima kullkita mañashpami vacunakunata kushun. ¡Kallarik kimsa killakunapika, tukuyllakuna ñami vacunarishka kanka!

EFECTO APLAUSOS

EUSEBIO Matria Libre mushuk partidota yachak chayashpaka, hawapi kak charikkunaka ninantami mancharirka. Ashtawankarin, shuk runa ñawpaman apak, Amaru Sáchez, alcaldiapak candidato kakta rikushpakarin, millaywanpacha kaparinakurka.

LOCUTOR ¡Amaru Sánchez!… ¿Pitak Amaru Sánchezka kan? Payka shuk mana riksishka ayllumanta shamushka runami kan. ¿Chay runaka ima yachaykunatatak charin? ¿escuelata tukuchirkacha? Allikuta rimashun, mashikuna: administración municipalka yachakkunapa makipimi kana kan. ¿Payka firmanata yachanlla? ¿killkanatallapash yachancha? ¿Chay Amaru Sanchéz nishka runaka imashina gobernanata ushankacha? Imaurata rikurishkayari shuk indio gobernaktaka red públicapi, paykuna purapash mana gobernarita ushanka.

EUSEBIO Alcaldesa Magdalena Ayalapash imasamanda paykunawan kankayari, “muspallakunawan tantanajushka”. Ñapash mana alli rimaykuna kallarirka: willachikkunata wanchina kallarinata.

LOCUTOR ¿Pikunatak chay…? ¿Ima shinatak yari? ¿Matria…(RIE) Paykunaka Real Academia de la Lenguatapash yalli yachan yarin. Matria… nishka mushuk shimitapash llukchishka. Matria Libre, ¿pikunatak kan? Na yapata investigana ministirinchu, Paykunaka, comunista, terrorista nishkakunami kan. Paykunapa candidatota akllashka runapa shutitalla rikuna kan: Amaru… Amarukuna ishkay halluta charin. Shuk halluka “rurashallami” ninkapa; chayshu kalluka llullankapak. ¿Pitak runakunapa nishakunata katinkayari?

ALCALDESA Ashtakakunami kanta rimanakun, Amaru. Ima shina kan wañuna hawapashmi rimanakun.

AMAMARUri, shinapash ñukaka mana orokanichu tukuykunawan allikachi tukunkapaka. Alcaldesa. Tispishka kakpimi aspirinakunka.

ALCALDESA Radio, televisión, prensa… tukuymi paykunapa makipi kan.

AMARU Chaymantami, ley de comunicación democraticamanta makanajuna kanchik. Chay mana alli ruraykunata tukuchingapak…
¿Imatatak ñukanchikka charinchik? Alli kawsay uyachi antata, y Pare de contarwan.

FREDY Ama llakiyaychu, mashi Amaru. Ñukanchikmi internet-pi tyashka willachina pankakunapi kikin hawa willachishun. Kikin riksirichun, tukuy internet-pi, meme, tuit, shinallata hashtagkunapi, ninanta purichishun.

QUIQUE Añanku shina llamkayman yaykushun: wasinti, wasinti, shiminti, shiminti willachishpa.

MANUELA Alipacha takikkunatapashmi charinchik shuk sumak takita kikinman rurachun. Rikupankilla.

JINGLE JINGLE AMARU ALCALDE

EUSEBIO Ña yachashka shina, ashtaka candidatokuna alacaldia mishayman rinkapa rikurimurka. Shuk charik conservador empresario runami propagandawan kallarishpa karka.

EMPRESARIO Allikutapacha rimashun, mashi Armando. Ñukankchika kikintami yanapashun.Shinashpaka, kikinka ñanta paskankapak, shinallata hidoelétrica-ta rurankapak ñukanchikta yanapapanki.

ARMANDO Ama manllapaychu, pushak gerente. Ñukanchik paritodo tukuy nishkata paktachinkami. Ashtawan allikuta nishpaka, kikinman nishkakunata. (RIE) Jabonero llaktaoi kawsanchiktaka ama kunkapankichu. (RIE)

EMPRESARIO Yupaychapani, don Armando. Nukanchikpash ñukanchik nishkunata paktachinchimi. Imashina empresapi ninchi: “Ama imatapash kuychichu; shinapash maypi tiyakpi churaway, .”

CONTROL MÚSICA IRÓNICA.

EUSEBIO Shuk riksirishka pastor evanglicopash candidatisaririka. Kunan punllami rueda de prensapi rimakurka.

PERIODISTA 1 Ñukanchik mama llaktaka, laicomi kan. Constitución de la Repubica shina nikun…

PASTOR ¡Ama pantaychichu, waykikuna! ¡Tayta Dioska imapash kamachiy hawapimi kan! ¡ Dioska imapash ordenanzas municipalespak hawapimi kan! Ñukanchikka Acaldia ukupimi bibliata churashun. Tukuy Diospak leykuna paktachishkami kana.

PERIODISTA 2 Shinaka, ¿maykankunata chay leykunaka, Pastor?

PASTOR Yachakuy hawa rimashpaka, chayka ayllukunapa makipimi kana kan. Ñukanchik wawakunawan ama satiriychichu. “Ideología de género” nishkatapash kamukunamanta llukchishun.

PERIODISTA 1 ¿Pastor, hampi hawa rimashpaka, ?

PASTOR Wawakunata mana charinkapak hampikunata harkashun. Yukunaka wawakunata tarinkapallami kan: mana yumana munayta saksachinkapallachu.

PERIODISTA 2 ¿Piwanpash sawarinalla kamachiyta allikachipankichu?

PASTOR Shimita pichari, runa periodista. Chay kikin nishkakunaka Pachakamapak karilla, warmilla kawsaypi tiyanatami waklichin.

MANUELA ¿Kikinka LGBTI tantanakuywan kanllaman sakingui?

PASTOR Nimamanta. Paykunaka chay llaki unkuymanta hampirinkapak hampina wasikunata charinkami.

MANUELA Pastor, kari-warmikunata phiñaywan rimakkunaka, paykunapa kari-warmi kayta kilpankapakmi ninkuna… ¿Manacha kikinka…?

PASTOR ¿Imatatak nikunki yari? Mana shina ñukata rimachun sakishachu. ¡Pitak Kaypi rikukun! Kay allikuta rimayta mana ushak tapuchik periodistata llukchipaychi!.

EFECTO SILBATO POLICÍA

CONTROL MÚSICA DE TRANSICIÓN

EUSEBIO Apoloniopak candidaturami hatun sorpresa karka. Imashinata uyankichi. Apolonioka saltiya, traficantes kan. Ñukapa kumari Martaka kayta yachashpaka, manllarimanta, mikukushka atallpa tulluwan ñalla trankarin. Tantanakuyman rinkapak munarka, shinapash, mana sakirkanchichu richunka.

APOLONIO (BOCINA) Ñuka hawa ashtaka mana-allikunata rimakta yachanimi. Ama criichichu chay tukuy nishkakunata. Yanka rimaykunallami kan. Ñukanchikta akllakpika…

PERIODISTA 1 ¿ Apolonio kikinpa tantanakuyka maykanta kan?

APOLONIO Ñukanchi partidoka Manos Limpias nishkami kan. Ñukanchikka, ñukanchik shuti shina, tukuyta alli rurashun. ima shuway mana tyankachu. Kunanmantami nini yachana wasikunata, hampi wasikunata, ñankunata, shinallata pankalla kullki mañachikunatapashmi charishun.

PERIODISTA 2 Shuk tapuyta rurankapak munani, Apolonio… ¿kikinka nachu ashtaka juicio-kunata kunankaman charipanki?

APOLONIO Yanka rimaykunallami kan… llullaykuna… Ima shina rikunkunkich, ñukaka na manllanllashpa kaypi kani kikinkunawan. Ñami kamachiyta paktachikkuna rimarkakuna. Chaykunaka piñaymanta, enviadiamanta yanka rimaykunallami kan.

MARTA (GRITA AL FONDO) ¡Maijan kanda na riksikka, kanda crinkami! ¡yapa shimisapa!

APOLONIO ¿Imatatak chay zorraka nirka? (BULLA)

CONTROL MÚSICA DRAMÁTICA

EUSEBIO Patita de Santo shutirishka runapashmi candidato tukushka. Payka ñukanchik tantanakuymanta riksishka pukllakmi kan.

LOCUTOR ¡Goool! ¡Tukuy Alcaldiapi kakkukanami pukllayta charinka!

EUSEBIO Reguetonta takik kuytsapashmi Chica fuego, candidata yaykushka…

REGUETONERA ¡Kaypika mana kullkita hapinkachu; shinapash, kushillami yalirin! ¡Hu, hu, hu!

CONTROL REGUETÓN

EUSEBIO Allikuta rimashpaka, kaypika política hatuna pampa shinami kan. ¿Pitak ashtawan kullkita kun? ¿Ashtawan kun? Shinapash, shuk punlla tukuykunapa allikayta sinchiyachinkapak yanapak política kankata yuyashpallami, katina kanchi.

LULA Kutinpash ñukanchikpa Alli Mawsay uyachi antaman alli shamushka kapay, candidato Amaru Sánchez.

AMARU Kay tapuchiyman kayamushkamanta yupaychani… Ashtawankarin chayshuk willachik ukumantakunaka mana kayawanchu.

LULA Mana kikinta riksimanta kanka.

AMARU Runa kaymantami ñukataka mana kayachiwan. Kayllaktaka, racistami kan.

LULA Racista mamallakta kaypika mestizokunami ashtawan tyan. ¿Imamantata shina kanka?

AMARU Racismoka chakana shinami kan. Maykan ukupi kaktaka, mana rikunayachin. Ari, ima shina nipanki, kaypika mestizokunami ashtawan tiyan.

LULA Kikin Consejota mishashpaka, chawpika kari, chawpika warmita churakrinki ninakun.

AMARU Shinama kana. ¿Pastorkunaka nachu Diospak kamashkata mana rimanakun? Shinaka, Alcaldia ukupi chayta paktachiywan kallarichi yari: chawpi kari, chawpi warmi kachun.

LULA ¿Gays, lesbianas, shinallatak trans-kunatapash kimichikrin?

AMARU Shinapacha. Shamuk Alcaldiaka kuychik shinami kanka: tukuy tulpukunata rikuchinka.

LULA ¿Afrodescendientekunapash?

AMARU Ari. Kaypika mana runamanta charishpaka yanamanta charinka.

LULA Tukuchinkapak, Amaru Sánchez, ¿kikin Alcaldiata mishasha yuyankichu?

AMARU Ama atalpashna kaparikuychu manara lulunta wachashpallata. Shinami atalpakuna yachachiwarka. Shinapash, mishashunmi yuyani.

LULA ¿Imashpatak shina kankata yuyanki, don Amaru?

AMARU Kunkay tukushkakunapa, mana rikuy tukushkakunapa yanapayta charimantami ñukanchik mishashunmi yuyani. Paykunamanta kaypi kanchik. Rikupay imshina nukanchik mamallakta kakta: yapata llakiyachishka. Yapa shuway, yapa mana-allikuna hunta kan. Chayta tukuchina kanchik. Ushanchimi. Yachak tayta nishka shina: “Llaki yuyaykunataka, shuk pachakunapa sakishun.” ¡Kuyayay Matria Libre!

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

18 SUKTA TANTANAKUY ALCALDIATA MASKAN

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.