1 MILLAY AYAPA MARCAWAN

Psst… Ari, ari, kikinkuna… Ñukawan shamuychik… Ñukawan purikrishunchik, ñuka ayllu llaktata riksichikrini… [Versión Español] Radionovelakunapi: Jaboneropak Ayllullaktapi.

<< INICIO || SIGUIENTE >>

LIBRETO

CONTROL MÚSICA CARACTERÍSTICA

LOCUTOR Jaboneropak ayllullaktapi

LOCUTORA Pandemiamanta rimay

LOCUTOR Shuk capítulo

LOCUTORA Millay ayapa marcawan

CONTROL MÚSICA CARACERÍSTICA

EFECTO AMBIENTE BARRIO

EUSEBIO Psst… Ari, ari, kikinkuna… Ñukawan shamuychik… Ñukawan purikrishunchik, ñuka ayllu llaktata riksichikrini…
Ay, ñuka ayllu llaktaka Esperanza shutimi karka shinapash mana allí shimikuna tiyashkamanta (MEDIA VOZ) “Jaboneropak Ayllu llakta” nishpa shutichirka… Ña kikinkuna rikupankichi imamanta kashna shutichishkata… ¡mashi Gumercinda!… ¿imanallata kapanki?

GUMERCINDA (2P) Mana allima kani, mashi Eusebio… Rikuway imashinata
kani, makitalla chaririyak tiyakuni… Kaypika nimatak mana hatunichu… ¡Kay millay unkuyka tukuyta tukuchirka!

EUSEBIO Ninkichu mashi Gumer, kikimpak hatuna ukupi mana haturikpika…¿maypishi haturinka?… lla… llakipima kanchi… ¡tamalkukunata Chishipak alichipanki!

GUMERSINDA Ari mashi Eusebio, alichipashami… ¡chayra shukuta katukuni!

EUSEBIO Maskarillata allí churakuy mashi, kay millay unkuyka mana kishpichinkachu!

CONTROL MÚSICA DE TRÁNSITO

EUSEBIO Gumercinda mashika alli, kuyak warmimi kan… Ñami paypak watakunata charin… mana juchayuk, fichana kaspishina alli shayarishka recta warmimi kan… Shinapash kay pandemiawanka…imacha… imashina shamushkapi rikushpa katishun.

CONTROL GOLPE MUSICAL

EUSEBIO Rikuychi, chayta chapamukka Apoloniomi kan, payka raku runa
antawakunawan llankak, tukuy pachapi mapa mapa wira hunta, churanakunawan… Tukuykuna shina, ashalla llamkayta charin…
Kay llaktapika llankay mana tiyashpami millay unkuytapash yali llakichikun… Willachiwarkami, shinachu imacha, shinapash kashnami niwarka, Apolonio runaka tutakunami ñampi tachuelakunata shitankapak lluksin nin… antawakunapak llantakuna tukyakpika payka allichishpa katin nin… Apolonio, ¿imashinata kawsakunki?.

APOLONIO Kaypi shinalla, mashi Eusebio… Mana llakiyanichu… kunanka
Pachakamak yanapawashkami wakin llantakunata allichinkapak…

EUSEBIO ¿Pachakamak… mana kashpaka supay?

APOLONIO ¿imashinatak ninki, mashi?

CONTROL MÚSICA DE TRANSICIÓN

EUSEBIO Kay ayllullaktapika tukuy layami tiyan. Colombiamanta runakuna,
ashtakakunami Perumanta, Venezuelamantapash, chayamushkakunami, wakinka chakilla shamushkakuna.

MARTA Don Eusebio… ¡Kunuklla arepakunata charini!

EUSEBIO Boliviamantapashmi chayamushkakuna… Haitiano runakunatapash kaynani rikurkani… Shamuychi, kayta shamuychi, shuk ñankunata rikuchinkapak munani… (MÚSICA CANTINERA)
chay takikunaka chay wasimantami uyarikun… Rikuychi, chayta rikuychi…¿chay, waminsi wasita rikunkichik?.. Ari chaypi…

GUAPO (KIMIRIN) Eh, kan, wawki…¿imata tukushka, ah? ¿imanishpatak rikuchiwankunki?

EUSEBIO Nimata, wampra… Ñukanchillami yankata rimanakunchi…

GUAPO Puri, puri… nimapash kaykunaman mana chinkashkachu…

EUSEBIO ¡Ay, kay pacha wamprakuna!… Shinapash, kaynamanta, kayamanta wamprakunaka… ñukanchi wamprakuna kashka pachakunapash shinallatak millaykunami karkanchik kay juña sinka wamprashna.

EFECTO BULLA DE BAILE AL FONDO

EUSEBIO Mana pantashpaka, chay waminsi wasipika tushunakunmi…
ñukawan shamuychi, jakuchik upalla chapashunchik

EFECTO SIRENA POLICÍA

EUSEBIO Ña yuyakurkanimi… Chaymantami Jaboneropak Ayllullakta nishpa
shutichishka… kaypika, Pipash mana urmashpaka lluchanmi …
unkuymanta Shina tantanakuykunaka mana tiyanachu …
Chay wasika allí ayllukunapakmi… shinapash runakunaka shuk dolar kullkita tantachinamanta musparinakun…

POLICÍA ¿Pitak kay raymikunata ruranakun?… ¡Tukuykuna pirkaman shayarichik!… Tukuykuna nircanimi…

VECINO 1 Ashtawankari, policía pushak, shuk ayllupak raymipillami kanchik

POLICIA Kikin, ¿manachu yachanki, mana chuskupura tantanakushka purinachu? ¡Shinapash, shimitapash mana kilparishka!

VECINO 1 Ari, ñukaka yachanimi, kaypika turnarinchikmi… chusku yaykun chusku llukshin… chayka.

POLICIA ¿Kayna wacharishka yawankichu imata? Pirkaman… Tukuykuna llukshichikaymanta… Kikinka ñukawan rinki…

VECINO 1 Watapaktay raymipimi kanchik, policía pushak… ¿Manachu watapaktay raymikunata ruray ushanchik?

POLICÍA Pandemia pachakunapika, tukuykunami chay wata charishkawan sakirinchi… ¿hamuktankichu?

VECINO1 Shinapash, policía pushak…

POLICIA Ama kimirichu… Ishkay metropi sakiri… Jatun pushak policíaman willanki…Purishpa, purishpa.

CONTROL MÚSICA DE TRANSICIÓN

EUSEBIO Kunan alcaldíaman rikrini, ñuka wasimanta mana karuchu. Chaypimi piñanakuy, kaparikuna uyarin… Ama chinkaychi, ñukawan shamuychi…

EFECTO ALBOROTO

PERIODISTA Alcaldesa pushak, ¿waminsi waisipi raymimanta yacharkankichu? Ishkay chunka hapitukushkakuna shinallatak tankarimanta ishkay chukrishkakunami tyashka…

ALCALDESA Mana hamuktanka, pushak periodista, mana uyanllu… Kimsa “emekunamanta” willarkani. Shinapash mana ruranchun.

PERIODISTA Alcaldesa pushak, ¿maykantak chay “emekunaka”?

ALCALDESA shimi killaparina, maki mayllari, karu karulla purina…Shinapash paykunapak munashkata ruran… (BAJA VOZ) ¡chusku “ememan” kachakrini!

PERIODISTA Pushak alcaldesa, ¿nachu yapalla kan watapaktay raymikunatapash ama rurachun nishpaka?

ALCALDESA Millay unkuyta hapishpaka mana watapaktaykuna tyankachu. Kikin periodista, muyunti kausak ayllukunata kayachipay. Kay chishi tukuy rurana willachikunata kukrinchi.

CONTROL MÚSICA TRANSICIÓN

EUSEBIO Willachikpika tayta curapash chayamurka. Tayta cura, pastorpash, kay ayllullaktapika Ishkay iglesiami tyan…

ALCALDESA Upalla kapaychik, tukuy mashikuna… Upalla kapaychi… Tyarinakuna karulla kashka kachun … Ama shina kashpa ashtawan karulla kapaychi… (RUIDOS DE SILLAS) Yupaychani… Rikushun. Ishkay willachikuna charini, shuk allí, shuk mana allí… ¿maykanmantatak kallarisha?

GUMERSINDA Mana allí manta kallari, alcaldesa, kaspiwan waktaytukunata yacharishkami kanchi.

ALCALDESA B Shinaka… Coronaviruska mana arkarikunchu…hospitalmanta willachimun 17 mushuk contagiadokuna tiyan nishpa… Mushuk unkuymi nin, shukpashmi wacharikun nin, mana yachanchichu… Shinapash ashalla siririnakuna, samay aysanakunatalla charinchi

PERIODISTA ¿Allika?

ALCALDESA Alli willayka ñami shuk niki vacunakunata churankapak chayamushka… Mana ashtakachu, shinapash tukuy hampikunapak, enfermerakunapak…hampishpak ñawpakkunapak. Shinallatak ruku payakunapakpash. Allita nishpaka “wampralla kuiytsallakunapa”. (RÍEN)

VECINO 1 Chakilla purik kunapaka, ñukanchipaka ¿ima pachashi vacunakuna chayamunka?

ALCALDESA Ministerio de salud ukumanta willachishka ashtaka waranka vacunatami charikrinchi nishpa… ashtawan mutsurinmi, shinapash…

PASTOR Ama llakichu, alcaldesa, puchunkami… Ñukaka, chaytaka mana churarikrinichu.

FANÁTICA ¡Ñukapash! ¡chaykunaka supaypa ruraykunami!

EFECTO BULLA GENERAL

ALCALDESA Kishpichiway… ¿kankunaka imatatak ninakunkichik?

PASTOR ¿Kikinka manachu yachanki, pushak alcaldesa, COVID unkuyka huchakuna hunta kashkamantami, supaypak ruraykunami kan, tukuy runakunata manchachishka charinkapak?

VECINO 1 Shinapash, ¿kikinka imatak ninki? ¿maymatatak llukchirkanki chay muspayashkakunataka?

PASTOR Ama piñachishpa, kikinpash nachu chay señalkunata charinki.

GUMERSINDA ¿Ima señalkunata, yachay ushanichu?

PASTOR 666 nishka. ¡millay ayapa señal!… Ama yankamanta mancharichu

VECINO 1 Shinapash, ¿maymantatak chay yanka willaykunata surkushkankichi?

FANÁTICA Nima yanka willay. Shuk monjami celularpi rimakurka. Willachikurka mana pandemiachu nishpa, ashtawan karin “Plandemia”. Shuk plan tiyan nin, tukuykunata tukuchinkapak.

GUMERSINDA Maytapash asinayayta ninkika. Ama shina kashpa, allita rimashunchi.

FANÁTICA ¿Nachu yachanki chay vacunakunaka tukuy kay pachapi tyakta tukuchinkapakmi? Chay vacunakunaka wañuchinkapakmi, ñukanchi yawarpimi churan tukuy ukunmanta ADN nishka chakchurichun.

VECINO 1 ¿Ima nishkata ADNka kan?

FANÁTICA Chaytaka mana yachanichu, shinapash shuk layataka rurakmi. Ñukaka mana laboratoriomanta ukucha kankapak munanichu.

PASTOR Killkashka pankakunapi, Apocalipsis nishka kamupi, shina nin.
Tukuykuna anticristopa ñawpapi kanchik, chay venenota yawarpi
churakpika tukuylla tukurinka

ALCALDESA Ari, ari, ama ashtawan yankata, maytapash rimanakuychi. Kunanka ñakutin nikriwankichi kay pachaka mana rumpachu, planoyashkami. Kankuna, wañushka hatarishkakunamanta, shuk
pachamanta runakuna shamushka nishka películakunata yapata
rikushkankichi.

GUMERSINDA uyay, pushak alcaldesa, ñuka mana maytapash ninajukkunata uyanillachu, shinapash ñuka rimaypika pandemiaka mana shukkuna nin shinachun. Canela yakuta punchapi kimsata kutin upyashpaka chay kuruka tukurinllami. Chaytami ñuka sobrino unkushkakakpi kararkani, chaylla karka.

PASTOR Nima canela yaku. ¡mana mikushpa mañana! Pachakamakllami allichin. Hatun espiritual makanakuypimi kanchik. Chaytaka mishayta ushashun… ¡mana mikushpa mañaykunawa!

ALCALDESA Mana mañaylla allichu, pastor. ¿Yachankichu, mikunakuna ashalla kakpika imatak nin ñawpa taytakunaka? Virgen mamata mañashpanti tarpushpanti. Yanapari Pachakamak yanapachun. Vacuna nishkaka hatun yanapaymi. ¿Yachankichu? Ama monjakuna, supaykuna umachichun, ñukarak vacunarikkrini. Ari, kunanllatak kankunapak ñawpapi vacunarikrini.

EFECTO ALBOROTO

FANÁTICA ¡Ama ruraychu, alcaldesa, ama wañuychu!

ALCALDESA Killkak, hanpikta kayachimuy hampikwan tuksinata apamuchun.

EFECTO BULLA GENERAL

EUSEBIO Shinami alcaldesa pushakka, tukuykunapak ñawpakpi vacunarirka

CONTROL MÚSICA DRAMÁTICA

EUSEBIO Pay mana yacharka kayapa imalla tiyanata…

EFECTO TOQUES PUERTA Y ABRE PUERTA

POLICÍA Alcaldesa Magdalena Ayala, kikintak juchashishkawan shamunchik

ALCALDESA ¿Ñukatak? ¿Imatak nin?

POLICIA Mana alita rurashka nishpa huchachikun. Kikin pushak kani nishpa,
Tukuykunapa kashkata kikinpak hapishkanki ninakun. Kikinka
manarak vacunarinachu karkanki. Ripashun.

JOVEN (2) ¡Rikuy alcaldesa, kay ayllullaktapika mayhan mana urmashpaka lluchanmi

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

1 MILLAY AYAPA MARCAWAN

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.