2 CHAY TANTAMANTALLATA MUSPAÑA

Jaboneropak ayllullaktapi… mayhanpash mana urmashpaka lluchanmi. Shinami urmarka alcaldesa pushak Magdalena Ayala, ninan allikachishka llamkak, shinapash umaytukurkami Mana vakunarina kashpapash vacunarirka. [Versión Español] Radionovelakunapi: Jaboneropak Ayllullaktapi.

<< ANTERIOR || SIGUIENTE >>

LIBRETO

CONTROL MÚSICA CARACTERÍSTICA

LOCUTOR Jaboneropak ayllullaktapi

LOCUTORA Pandemiamanta rimaykuna

LOCUTOR Ishkay capítulo

LOCUTORA CHAY TANTAMANTALLATA MUSPAÑA

CONTROL MÚSICA CARACERÍSTICA

EFECTO AMBIENTE BARRIO

EUSEBIO Jaboneropak ayllullaktapi… mayhanpash mana urmashpaka lluchanmi. Shinami urmarka alcaldesa pushak Magdalena Ayala, ninan allikachishka llamkak, shinapash umaytukurkami Mana vakunarina kashpapash vacunarirka. Ari shinami nin huchachishka pankakunapika. Juzgado nishka ukuman ñukawan hakuchi, chaypimi piñanakuyka timbuyta timbukun.

JUEZ Mana allichu, pushak. Chay vakunakunaka yupashkallami kan, Ministerio de Saludmanta ukumanta kutinlla yupashkami kan. ¿Ama huchachichun imatapash ninkapak munankichu?

ALCALDESA shinami, pushak juez. ¿kayna wacharishka yuyakunkichu? Awka willachirishkaka mana makanakuypi wañunchu. Ñukaka, warmi awka.

JUEZ Rimapaylla, awka, warmi awka ninkapak munarkani.

ALCALDESA (PAPEL SUENA) Ñuka mañarkanimi chaskirkanipashmi Ministerio de Salud ukumanta kay rurayta pantachinkapa ari nishka pankakunata.

JUEZ ¿Imatak rurankapak?

ALCALDESA Ayllullaktapi kawsakkunan alli kayta rikuchikkunamanta, ama ima nishkakunata yankata katichun.

JUEZ Shinaka, ¿yankatallachu ruraktukurkanki? ¿Nachu vakunarirkanki?

ALCALDESA Mana yankamanta. Ñukaka yachashpami vakunarirkani. Imashina nikuni, pushak ministropak arinishkawan. Kaypimi paypak killkashka. ¿Ña ripashallachu?

EUSEBIO Alcaldesa Magdalena Ayalaka, ninan sapiyashka warmimi. Yana yana akchawan, misha warmi kan. Paytaka mana piñay ñawiwan rikushkanichu.

CONTROL MÚSICA

EUSEBIO Alcaldesa juzgadomanta llukshikta rikukuni. Umata ñawita hawapi churashpa rikun. Jaboneropak Ayllullaktapi tukuy kawsakkunata vakunankapak nishpa. Rikushunmi pastor ima nikta,
Shinallatak, alli uma watarishka warmi bestiapak señalmanta rimakuktapash. Shinapash, kunanka alcaldesa pushakka mana llakipichu kashka, Gumercinda, ruku bodegapi hatuk… paytami huchachishka ninakun.

VECINO 1 Mashi Gumersinda, picharina pankata hatuway… ¿ charinkichu?
GUMERSINDA ¿Mashnata munanki?

VECINO 1 ¡Mashna charishkata! ¡Tukuyta apakrini!

GUMERSINDA Kishpichiway tapuymanta, mashi… ¿ Imapaktak chay tukuyta munanki?

VECINO 1 Kay… kay pandemiawanka… (MEDIA VOZ)… Yapata isma yalinakunchik (MONEDAS)… Yupaychani, Yupaychani…

GUAPO (2P) ¡Gumersinda, mashi Gumercinda!

GUMERSINDA Imakuta munapanki… Alcohol, gelta nishkakunata churaripay… shamupaychik, shamupaychik, picharina pankakunata ñana charinichu, shinapash chayralla pallashka tomatekunata charinimi…

GUAPO Mana, mashi Gumersinda, ñukanchikmi ashtaka kullki willaywan shamunchi.

GUMERSINDA Mana, ñukaka mana fankalla japina kullkikunawan pukllanichu. Llamkashpallami alli kawsayta charinchi.

GUAPO Shuk uchilla llamkaykuta apamunchi… Rikuy kay cajakunata… Corona Virus millay unkuyta rikunkapakmi…

GUMERSINDA ¿Ñukaka imata kaykunawan rikunata charini?

GUAPO Kikinmi hatukrinki… chawpi kikinpak, chawpi ñukanchikpak. ¿Imatak niwanki?

GUMERSINDA Chay pruebakunataka hampik ukukunapi karan… mana ima kullkitapash mañanllu.

GUAPO Karanmi karian. Ñana tiyanchu. Ukupi llankak riksi mashikunami kay cajakunata ñukanchikma kurka. (MEDIA VOZ) kayta hatukrinchi, mashi. Allimi chawpirinkapak. Kikin 100pak hatushpa 50ta hapinki. Tukuyta upallaku. Upashina…¿hamuktarkankichu?

GUMERSINDA Kunkaychi wamprakuna, ñukaka mana mapa llankaykunapi satirinichu. Dios ama munachun. Dios yayapak, Dios churipak, espíritu santopak.

GUAPO Ñami satirishka kanki mashiku. ¿rikunkichu camarawan chay wamprata? ñuka riksi mashimi. Ñami fotokunata cajawan shayakukta llukchirka. Mana nikpika, internetman witsikachishpa kikinta huchachishun. Ari ninki, kikin ari nikpika fotokunata anchuchishunllami.

GUMERSINDA Ama kayta rurawaychu, pitapash mana llakichi warmimi kani… (LLORA)

GUAPO (AMENAZA) ¿Mana pitapash llakichik?… puñushpalla, ¿nachu?… shinaka upallaku… chawpi-chawpi, yuyarinki.

CONTROL MÚSICA DRAMÁTICA

EUSEBIO Shukpallmi llakipi, Apolonio chay rraku runa, antawakunawan llankak, llakipi satirishka. Nishpaka Apoloniopak warmi. (GRITOS LEJANOS) ¿Chay kaparita uyankichu?… Ñukataka pipash mana kayarkachu, shinapash uchalla chayakrini… shuyaychi…

MARTA ¿Manachu pinkanayan?… Tachuelakunata shitashpa antawakunapak llantakuna tukyachinki…

APOLONIO ¿Kanmanka pitak shina nirka, shimisapa warmiwanchu sawarishkani?

MARTA Nima shimisapa… Alcandesapak antawapash kayna tachuelakunawan utukurirka…

APOLONIO Kampak shimipi tachuelakunata churakrini… Pandemiapimi kanchi, ¿hamuktankichuk? Imamantapash kawsanami kanchi… ¿fufurufakunawanchu chay esquinapi shayakunkapa munanki? Shuk tutakunapi kulkita llukchinkimi, ¿nachu?

MARTA Apolonio ama rimawaychu… ¡ama imatapash niwaychu, ñukata rinsinki, uyanki!

APOLONIO Kay warmika kutichinata yachakushka… kanka upallami ñukata uyanata yachakukrinki, mulakuna shina… ¡kaspiwan!

APOLONIO Shina…

MARTA Paktara, kanka mana takariwankichu ¿uyakunkichu?

APOLONIO Mana takarishachu, mukitishami… ¡hayka yachakunki pitak kaypi pushan!… ¡hayka kampak kusata respetanki!

NIÑA Tayta, ama ñuka mamata makaychu… ¡tayta! (LLORA)

APOLONIO Kampak ukuman ripay ama makachun munashpaka… mana allí wiñachiska warmikuna… chay feminista tantanakuykunapi umata kunuchirianka… Ñukapash shuk kunata kunuchikrini… ¡yanka warmikuna!

EFECTO GRITOS

EUSEBIO Pandemiaka millay karikunata ashtawan millayachishka. Runakunaka maytapash yuyanakun kay wichari kawsaykunawan…
Kay aylluta rikuychi… patio illa shuklla ukupi kawsan,
samayta hapinkapakpash mana charin… carcel shinami kan… Imasha ñuka mashi nishka shina, “yankalla, imatapash mana rurashpa kawsashpa pinarini, ña politicoman tikrasha yashpa” (RÍE)

CONTROL MÚSICA DRAMÁTICA

FREDY Pushak Alcaldesa…

ALCALDESA Niway, Fredy… yalimuy, yalimuy… Kanka Eusebiopak churimi kanki ¿nachu?

FREDY Kikinta yanapankapak, alcaldesa.

ALCALDESA Ajá. ¿imatak maskanki kaypi?

FREDY Rikunki. Ñukaka kayna tantanakuypi karkani. Wakinkuna pandemiaka supaypakmi kan nin, shukuna canela yakuwan hanpinalla nin… Yapa uma illay, ¿nachu?

ALCALDESA Yapami, Fredy. Tukuykunaman alli willachinata, hamuktashpa sakirichun ruranata shinana kanchik.

FREDY Chaypak pachami shamuni. ¿Imashinashi chay ruraykunata shinashun willachik antakunata mana charishpaka?

ALCALDESA Ari, shinapash ashtaka antakunami kay kitipi tiyan…

FREDY Chay rikuna uyana antakunapika llakikunatalla yallichin, millay unkuywan patsak wañushkakunata, waranka contagiarishkakunamanta… Yachachikuna mana tiyanllu.

ALCALDESA ¿Imata ruray ushashun, Fredy?

FREDY Shuk uyachik anta. Shuk ayllullaktakunapa uyachik anta.

ALCALDESA ¿Shuk uyanchik anta?

FREDY Ari, shuk uyachik antata charishpaka shuk shuk willachikunata rurayta ushanchik, tukuy ayllukunata parlachita… ¡chaypipash vacunakuna ninan mutsurishkamanta rimankapak!

ALCALDESA Alli yuyaymi rikurin, Fredy. Shinapash… ¿Imatatak mutsurin chaypaka? ¿ahska kullkiwan?

FREDY Mana, willachinkapa antakunata rantinkapaka mana yapa kullki mutsurinchu. Gobierno frecuenciata nishkata kuchun maskana kanchi.

ALCALDESA Ñuka chaykunata rikusha. Shinapash, ¿rimakkuna, willachikkuna, imatalla rimanakunaka?

FREDY Wambrakunapak tatanakuyta charinchi, alcaldesa. Kimsa chunka wanprakunami kanchi ruranata munanchik, imatapash na ruranakunchikchu.

ALCALDESA Ninan alli proyectomi uyarin, Fredy

FREDY Kikin, frecuenciata maskay ñukaka tantanakuymanta wamprakunawan rimakrini ucha kallarinkapak.

CONTROL MÚSICA DE TRANSICIÓN

EUSEBIO Ñuka churi Fredy, chunka pusak watakunatami charin, ayllullaktapak antamanta rimarka. Alli kachirkanimi.
Mana yacharkanichu wamprakuna imashina ñawpaman apankata. Punku wichashka kakpika waktachinallami mutsurin.
Chaymantami ñuka yanapasha nirkani. Shinapash Apolonio mashitaka mana yanapakrinichu.

MARTA Pushak policía, shuk juchachita churankapak shamuni.

POLICÍA ¿Pitak, imashpata juchachikrinki?

MARTA Ñuka kusa Apoloniota, chay antawapik llankakta, kikin riksinki.

POLICÍA Kikintapash riksinimi. Shinapash, ¿Imanishpata juchachikrinki, payka llamkak kari, ayllupak tayta, shuk…?

MARTA Wasipi llakichishkamanta. Rimaykunawan, kaparikunawan, waktaykunawan…

POLICÍA Waktashkata rikuchiway

MARTA ¿Imata rikuchichun ninki?

POLICÍA Waktashkakunata. Kikinka llakichishka ninki, ñukaka nima waktashkata mana rikunichu.

MARTA shinakashpaka, wañuchishka kiparachu juchachinkapa shamuchun munanki.

POLICÍA Mana shina kanllu, ñukaka kikinpa nishkata uyakunimi… paytapash uyanami kani. waktachishkakunata rikuchiway

MARTA Tukuy shina kankichik. Kikinka shuk waktak runami kanki, kari kari kani nishka.

POLICÍA Paktara shimikunawan… kikintami wichashpa sakikrini.

MARTA Kankunaka ¡chay tantanakunamantallata muspaña kankichik! Ñukapak pachakunata chinkachinkapak shamushkani…

POLICÍA Mana ninata nikkunaka, mana munashkata uyanmi. Ripashun. Pushakta millay rimashkamanta wichaytukukrinki.

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

2 CHAY TANTAMANTALLATA MUSPAÑA

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.