7 MANCHANAYAY MILLAY UNKUY

Kinsa warmikunami, ayllukunapak huertokunata ñawpaman apakkuna… [Versión Español] Radionovelakunapi: Jaboneropak Ayllullaktapi.

<< ANTERIOR || SIGUIENTE >>

LIBRETO

LOCUTOR Kanchis capítulo

LOCUTORA MANCHANAYAY MILLAY UNKUY

CONTROL MÚSICA CARACERÍSTICA

EUSEBIO Kinsa warmikunami, ayllukunapak huertokunata ñawpaman
apakkuna… Kikinkuna rikunkichiman imashinata makikunata mañachishka, Allpakunatapash chaspirishpa llamkanakun
Paykunapa tarpushkakunata tukuyman karankapa yuyaywan. Shinami, kashnapacha tamiapi, kuchakunata pawashpa alcaldiaman rinakun yanapayta mañankapak.
Tamiyakukrami diluvio shinami tamiashpa katikun.

ALCALDESA Kushikunimi kanta rikushpa doña Gumersinda. Kikinkunatapash vecinakuna. Ayllupak huertokunaka ñawpaman katikukta uyani. Ashtaka ayllukunami kikinkunapa rurashkakunata katinakun.

GUMERSINDA Alcaldesa, Kay wicharikunapika wasipillata ñukanchik
mikunata tarpunata yachakurkanchi, ama mercadokunapilla yuyashpa; chaypilla rantishpa purinajunkapash.

ALCALDESA Shinapash, ¿wasi tarpushkakuna mananachu tamiyawan
waklishkayari?

GUMERSINDA Wakinkunaka chinkashkami, shinapash, ashtaka
kishpirishkami. Shinapash, yakutapash yali rimaykuna, mañaykunawan shamunchi.

ALCALDESA Ña yachani. Ashtaka ayllukunami mikunata mana charin.

GUMERSINDA Chaypakmi shamurkanchi, alcaldesa… uyaway… (QUEDA
HABLANDO)

EUSEBIO Kinsanti warmikunami chaypi karka, kushilla, Tukuykunata yanapashun nishpa purinajun paykunapa puka, yurak wipalakunawan Yuyayta willanakun.

CONTROL MÚSICA EMOTIVA

GUMERSINDA Alcaldesa…¿imashinata yanapay ushanki?

ALCALDESA Rikushun. Alcaldiapak camionetata churakrini, Yararkachik
mashikunaman tantachishka mikunakunata apachun. Bono kullkikunapipashmi yuyana kanchi.

GUMERSINDA ¿Imashinata kay bonokunaka, alcaldesa?

ALCALDESA Ñami bonokunata kunakunchi pandemiamanta wichashka
uchilla hatuna ukukunaman. Kunanllata shuk proyectota consejoman kachakrini tamyamanta llakiyapashkakunata yanapankapa. Jaboneropak Ayllullaktapi kawsakkunata, tukuy municipiopi kawsakkunatapash yanapankapa.

GUMERSINDA Ñukanchika mikunakunata rurashpa yanapashun…

ALCALDESA … Alcadiaka ukumantaka kaykunawan yanapakrinchi: bono
kullkikunawan, mikuna kipikunawan, enaltadokuna, arroz, poroto,
mishki, wawakunamanka ñuñuta karashun… impuestokunamanta tantachishka kullkikunataka manchu kashna llakikunata yanapankapa allí kanka? (APRUEBAN)

EUSEBIO Alcaldesaka ali warmimi. Ñukaka ninantami allikachini.
Oposicion ukumantaka mana alikachinchu. Rikuychi, paymi bono yuyaytaka alcaldía consejoman aparka. Shinapash, wakinkuna ñapashmi mana ali rimaykunawan kallarirka.

DIPUTADO ¿Kikinka llaktakunata yanapankapachu chayta ruranki… mana kashpaka Kutin alcalde tukusha nishka kayta rurakunki? (MURMULLOS)

EUSEBIO Ima rurana kakpipash rurachun. Ay, tayta Dios, imakunatalla rikunchi kay Jabonero ayllullaktapi … chayta rikuy… ey… Kikinta nini mashi. ¿Imata hatunki?

VENDEDOR Ñuka churipak churanakuna hatukuni, mashi Eusebio…Mana
Kullkiwan paktanichu… Maski lluchulla purichun, shinapash imagutallapash mikushkakuna purinakunchun munani

EUSEBIO Shinallapash, maski, maskarillata churajuy, ama wasiman tikrakpi virus hapichun… lluchulla contagiarishkapash mana alichu kanaka…

VENDEDOR Uyay, ¿nachu kay churanata rantikapak munanki?

EUSEBIO Kayta niway mashi. ¿Kampak warmi nachu siranata yachan?

VENDEDOR Ari, yachanmi, chaypaka alimi kapan

EUSEBIO ¿Imashpatak chay fintukunawan mana mascarillakunata siranki,
Shinashpa hatuy ashtawan kulkita charinki?

VENDEDOR Ari, ushaymanmi… Shinapash tukuykuna mascarillata charin…

EUSEBIO Shinapash tukuykuna mana caretawan gorrata charinchu.

VENDEDOR Mana hamuktanichu, mashi, kishpichiwankilla.

EUSEBIO ¿Kikin nachu rikushkanki plástico caretata mascarilla hawapi churarikta? ¿Kikimpa warmi gorrapi chay caretata llutakpika? Chaytaka mana kaykunaman rikushkanichu…

VENDEDOR Ali yuyay don Eusebio…

EUSEBIO Chay gorrapillata, imapash yuyayta churay, ñuka na yachanichu, shinapash shuk allí killkashka yuyayta churashpaka nacha ali kanma?

VENDEDOR ¿Imata churasha? Shuk yuyaywan yanapaway…

EUSEBIO Imatapash… imanishpaka “ñuka cuidarini”… mana kashpa churay ushanki. “ kunan mana ukllashkamanta kayapa ukllasha”.

VENDEDOR Chayta alikachirkani…..

EUSEBIO Religionta katikkunapa churay: “ Pachakamakta rogashpa mascarillawan purishpa”.

VENDEDOR Shinapash, don Eusebio…¿ Pitak chayta ruranata yachan?

EUSEBIO Joaquin, imprentamanta mashi. Kunanka asha llamkaywan purín.
Paymi imprimita ushan, kanpak warmi rurashka gorrakunata… ¿kikinka nachu syndrome de down nishka churita charinki?

VENDEDOR Ari, mashi Eusebio… Juliancito… imata na shina ushashka
purikun…

EUSEBIO Ama shina yuyashun. Payka ashtakata yanapayta ushan.
Plasticota ranti, Juliancito doblashpa brocheta churachun
katiriachun. Joaquin gorrata imprimuchun. Jala Internetpipash willachita ushankimi. ¡Kayka kikin ayllukunapa wachari llamkay shinami!

VENDEDOR Alipacha, mashi Eusebio. Kampak yuyaykunata tayta Dios
bendicipachun.

EUSEBIO Kikinta Dios bendicichun munashpaka, uyaway. Kinsa gorrata
hatushka hipaka, shukta mayhampash discapacidadta charik wawaman shuk gorrataka karanki wan wampraman karanki.
Ashta rikcharishpa allita llamkay. Yuyarinki, ñawpata rikun michami tukuyta punchayachishpa rijunka.

CONTROL MÚSICA DRAMÁTICA

EUSEBIO Shukkuna Kashna llakikunata mishanahunkamanka,
Yuyarinkichichu Apolonio runata, chay mecanico shina llamkakta.
Ari, tachuelata ñampí churan karaka warmitapash makashpa charin karka. Payka paypa munashkata rurashpa katikun.
Kay pinkay illa runakunapaka mayhan punllapash allimi kan. ¿Pitak yankayari kay pandemia chawpipi, yakukunapash kashna llakichishkapi, Apolonio runaka shuk llakita ruranataka?

APOLONIO Kayman shamuy, uchilla wawaku, cuentota willankapak munani…
NIÑA mana, tayta, mana… Sakiway… Kutin machashka kanki… Ama takariwaychu…

CONTROL MÚSICA DRAMÁTICA

NIÑA LLORA

APOLONIO (JADEANDO) Ama kampak mamaman willankichu… Wañuchishami… Ñukanchikpa secretomi, ari, Uchillaku…

EUSEBIO Ñuka Martata riksini, Apoloniopak warmita. Yakuhunta ñankunata yalishpa wasiman chayarka, chay ukupika paypa ushita wakakukta tuparirka, churanapash liki… Kusata sillonpi wañuy puñuypi karka… Na wawa imatapash rimachun munarkachu… Marta ñami yachak chayarka.

CONTROL MÚSICA DRAMÁTICA

MARTA (DESESPERADA) policía, ñuka kusata huchachinkapa shamuni.

POLICÍA Kunanka, ¿Imanishpa mashi?

MARTA Violashkamanta. Ñuka 12 wata ushiguta violashka.

POLICÍA Chayka insesto shutimi, mashi.

MARTA Ñuka yachanimi imashutikakta chaymanta kunanllata kusata hapichun munani.

CONTROL GOLPE MUSICA

JUEZ Apolonio Gutierrez, kanka shuk hatun huchachitami charinki

APOLONIO Ima llakipash na kanchu, pushak juez, Ñukaka shuk tragokunatami upiashkani… Yapa tragota upiashkani, chaywanka ima nanaytapash fichashpa sakini. (RISA GROSERA)

JUEZ Ima asinayaytapash mana rikunichu, mashi Apolonio… Pruebakunaka rikuchinmi kikin ushita violashkanki. Ninan llakitami rurashkanki.

APOLONIO Na, pushak juez, kikinka harimi kanki hamuktankimi… Chay
kuytsaka, na yapa wawachu, paymi provocawarka… lluchullami ñuka ñawpakpi purikurka… ¿kikin hamuktankimi nachu?

CONTROL RÁFAGA MUSICAL

NIÑA (LLORANDO) Ñuka nimata na rurarkanichu, mama, ñukaka
puñukurkanimi…

MARTA Nimata na willanachu kanki, ushiku. Ñuka kantami krini. Chay monstruka tawka watakunatami wichashka kawsanka.

CONTROL MÚSICA DRAMÁTICA

LULA Kayka sumak kawsay uyachi antami. Shuk llaki, fiñanayay willayta charinchi. Shuk warmi wawata violashkamantami kan. Shutikunata mana willakrinchichu. Kay llakilla kashkamanta rimankapak, alcaldesa Magdalena Ayalata kayachimushkanchi. Alli chishi, alcaldesa.

ALCALDESA (TELEFONO) mashi Lula, mana yapa alichu kanchik kay
willachiwanka, Shinapash, hatun napaykunata kachani kay ñukanchik llaktapi uyak mashikunaman.

LULA Alcaldesa, ¿Imashpatak warmikunata wawakunata llakichi
tiyaktaka yuyanki? ¿Pandemiamantacha kan?

ALCALDESA Ari, pandemiawanka kashna llakikuna denunciakunapash
mirashkami. Makanakuykuna, shinlli rimarikuna, mukitishpa waktaykuna… Kayka mana kunanllachu. Warmikunata llakichikka, ima unkuytapash yalimi kashka, warmita llakichikka kay pandemiatapash yalimi llakimi kan.

LULA Warmi wawata violaykuna, llakichikkuna.

ALCALDESA Hari wawatapash…

LULA Hari wawatapash, Ari. Wakimpika kashna llakichikkunaka mana
tiyan yuyanchikllami
.
ALCALDESA mana shinachu, mashi Lula. Na tiyan shinashnalla kashpapash
ashtawanmi mirarakun. Kay incestos nishkakuna. Taytakuna, la taytakuna, tiokuna, ruku yayakuna… Ninan manchanayaymi.

LULA Alcaldesa… ¿Imashinata alichishun?

ALCALDESA Sexualidadmanta tukuyta yachachina. Warmi wawakuna hari
wawakuna tukuytami yachana kan. Violenciata harkanami kanchi. Mana shuk muchatapash chaskinachu mana munashpaka, na riksishkakunawan mana rina. “Na” ninata yachachina kanchi. Tukuyta mamaman willanatapash.

LULA Willachipani shuk mushuk programata uyachi antapi churakrinchi,
shuk tapuna pachakunata. Tukuykuna tapukpi shuk sexóloga kutichichun, Na pinkaywan, moralismo illa. Tayta mamakunapash sexualidadmanta yachanami kan.

ALCALDESA kushikunimi chay yuyaykunata churashkamanta. Ñukanchikka
yachachikta pushak wasiwan rimakrinimi, yachachikkuna sexualidadmanta allí yachakushka kachun, shinashpa wawakunaman yachachishpa kachun.

CONTROL MÚSICA DRAMÁTICA

EUSEBIO Apoloniopak warmi, kumari Marta willawarka,. Paywanka
imatapash rimanchikllami. Llakitukushpa willawarka. Ñuka mana yachanichu imashina yanapanata, ima ninatapash.

MARTA Chay yapa wakli runaka violashpa, wawataka chichuta sakipashka.
Kunanaka… kunanka… ¿imata rurayta ushani.(LLORA)

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

7 MANCHANAYAY MILLAY UNKUY

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.