6 YURAK, PUKA WIPALAKUNAWAN

¡Kikinkuna rikunkichiman! Chay pastor allí ñakcharishka warmiwan. [Versión Español] Radionovelakunapi: Jaboneropak Ayllullaktapi.

<< ANTERIOR || SIGUIENTE >>

LIBRETO

LOCUTOR Sukta capítulo

LOCUTORA Yurak, puka wipalakunawan

CONTROL MÚSICA CARACERÍSTICA

EFECTO AMBIENTE BARRIO

EUSEBIO ¡Kikinkuna rikunkichiman! Chay pastor allí ñakcharishka warmiwan
Gumersidapak trans ushi, Manuelata llamkaymanta shitankapak munanakukkuna shinapash, botellapi supayta churashka shinami llukshirka. Ashta kallpashpapallami llukshirka… Sumak Kawsay uyachi antamantaka shuk uyachi antaman kalpashpa rirka…
Kay rimaykunaka allíma, shamuychi, ama chinkaychichu, kay mangaka ashta ñami kunukyakun…

LOCUTOR Chay uyachi antaka imapash jatunakunta willachishpa ñukanchita
mishanakun. Ñuka yachaypika, chayta mana ruray ushanllu.

FANÁTICA ¡Kankuna rimanami kankichi chay Alli Kawsay shutiwan uyachi antaka mana llamkaylla nishka pankata charinchu!

LOCUTOR Aja… shinachari, manachari llamkay ushan…

EUSEBIO Chay pastor, allí ñakcharishka warmiwan… Shuk uyachi
antamantakunawampash juezpakmak rinakurkami…

JUEZ ¿Imashina ninkichi, manachari llamkana pankata charin?

FANÁTICA Mana pushak juez, chay uyachi antataka pakallalla wamprakuna
alcaldesawan rimarishpallami churarka; kay alcaldesa warmipa shutitaka ninkapapash mana munanichu

JUEZ Llamkana panka illshpaka yankalla uyachi antami kanka.

PASTOR Kikin nishkanki, yankalla uyachina antami. Shinakunataka leypi nikushkakunata rikushpa katirianami. Uyachi antata wichasakinami.

LOCUTOR ¡Uchallami wichana, ñukanchikpa llamkayta kichunakunmi!

EUSEBIO Chay pastor, allí ñakcharishka warmiwan, chayshuk uyachi ukumantawan juezwanpash alcaldesapakman rirkakunami…

JUEZ ¡Pushak alcaldesa!… Shamunakunchi…

ALCALDESA Shuyapay, shuyapay pushak juez… ¿kikinka ñukawanchu
puñurkanki manachu minkachiway nishpayman yaykumuna kanki? … ¡shimitapash kilparipay, mashi!

JUEZ Kishpichiway alcaldesa, ninan piñarishkami shamunakunchi…

ALCALDESA ¿Imamanta piñarishka?

JUEZ Kikinpak uyachi anta, chay uyachi antata kikin achiktayta laya kanki nin, chaymanta rimankapak shamunchik.

ALCALDESA Achimamami kanka ninkapak munanki, manarak pipakpash taytaka kanichu. Sapallarami kani.

JUEZ Imashina atallpa nirka, muruman hakuchi. Kay Allí Kawsay shutiwan uyachi antaka llamkayta mana ushanchu ninmi, pushak alcaldesa, yankalla uyachi antami.

LOCUTOR Shinapash ñukanchi llamkayta kichunakun. Ayllu llaktapi tiyak hatuna ukukunamanta, municipiomanta willachinakun.

ALCALDESA ¿imashata llamkayta kichunakun? Ñuka yachaypika hatuna rantina ruraytaka pipash shinay ushankunami.

FANÁTICA Mana kulkipak llankanchikchu ninakun, ¿chayka?

ALCALDESA Shinapash, pitak imatapash mana rikunkapaka llamkanyari. Kullkika mutsurishkami kan. Chaymanta, nima juchata mana rikunichu.

JUEZ Huchami kan pirata uyachi kashkamanta. PI- RA-TA

ALCALDESA Mana mashi Fredy chulla ñawita killparishkata rikushkanichu, mana paypak ayllukuna, kaspi chakiwan, makipi imapash fierrokunata churakushkata rikushkanichu…¿imashpatak pirata ninkichi?

JUEZ Telecomunicacion ukupak permisota mana charishkamanta.

ALCALDESA Willanimi, pushak juez, ñukapachami telecomunicación ukuman rirkani. Hipamanka tukuy formulariokunata huntachirkani, tukuy mañashkakunata, kay ayllu llaktapi tukuykunapa ayachi antata munanchi nishpa.

LOCUTOR ¿Permisota tarirkankichu?

ALCALDESA Mana.

JUEZ Chaymi nini, yankalla uyachi antami. Pushak alcaldesa, pi na urmashpaka, lluchanmi…

ALCALDESA Pantashkami kanki, pushak juez. ¿Kikinka nachu silencio administrativo nishkata yachanki? Shuk entidad publica kilkashkakunata na imatapash kutichikpika 30 puncha hipaka ari nijuy shinami sakirin. Uyachi antaka wayraman llukshirka 31 punchapi. Shinaka hamukkunaka… (PALMADA)… ¡mana ashtawan waktaytukunkachu!

CONTROL MÚSICA IRÓNICA

EUSEBIO Ayllullaktamanta warmikunaka huertokunawan kushillami kan.
Lechugakuna ñami wiñanakun, zanahoriakunata ñami pallanakun. Culantro, albaca, hampi hiwakuna ñami wiñashka.
Josefina, unkushka purikurka, shinapash covidta mishashpa ñami kimirimurka.

VECINA 2 Mashi Gumer, kay tomatekunaka mana supermercadopi shina huyaylla rikurinchu.

GUMERSINDA Shinami…shinapash… ¿mikushpa rikuy?

VECINA 1 Ah, ñukanchipaka tarpushkakunaka ninan mishkimi kan… (MEDIA VOZ) chismekunatapash yali mishki. (RIE)

GUMERSINDA Chaytami rikuna kanki mashi… Kampak tarpushkaka allí
wanukunawan tarpushkami. Supermercadupi rantishkaka yapa wambishka, yapa quimikokunawan kan…

VECINA 2 Chaymantami tukuy tomatekuna chaysiri kan… aminda ima gracia illa… gracia illaka desgraciami kan.

EFECTO TRUENOS FUERTES

EUSEBIO Manarak yuyaypi hapinichu. Hawa pachamanta ushashka punchayamurka. Mana ashalla tamiachu karka, ushashka tamiami karka, bibliapi nihuk shina. Macondopi nishka shina tamiaka mana shayarirkachu nin.

GUMERSINDA Kay pachakunapika mana kashnapacha tamiyata
rikushkanchichu.

VECINA 1 Rimaychu, mashi Guemersinda, ñuka yuyani Pachakamak
ñukanchiwan ninanta piñarishka,

GUMERSINDA ¿Imanishpatak Pachakamkata juchachijunki? Tamiataka,
Dioska na anchuchinchu na churanchu.

VECINA 2 ¿Shinaka piktak churan?

GUMERSINDA Ñukanchi, runakuna, maytachari kawsak runakuna kanchi.
¿Imamantata kay corona virus nishkaka tiyan yankichita? Ñukanchikmi pachamamata waklichishkanchi. Shinallatami climapash muspayashka shinami purikun.

VECINA 1 Shinapachami kapan. Na tamia tiyashpaka, chakishka pachami tiyan. Na manllanayayta rupay tiyashpa razu urkupi kakpishna chirikun.

VECINA 2 Mana ushashka akapana hatarikpika, yaku apana chayamun.

GUMERSINDA Ari, shinapash ama yakutalla huchachichi… Shinapash ali uyaychi, camadrekuna, tukuy kay pachamamapi kaytachayta kaytaka “cambio climático shutiwanmi riksirin”.

EFECTO TRUENO TERRIBLE

VECINA 1 Rimashpa katipaychi, ñukaka wasiman ripani manarak yaku
apakpillata.

CONTROL MÚSICA DRAMÁTICA

EFECTO AGUAS CAUDALOSAS

EUSEBIO Ñankunaka hatun larka shinami karka, alcantarillakunaka mana
paktanakurkachu. Wakin na ali rurashka wasikuna, kuyurinakurkami. Manuelataka, chaytukuy tamiyaka uyachi anta ukupi kakpillata hapirka.

EFECTO TELÉFONO

VECINA 1 ¿Alli Kawsay uyachi antachu?

MANUELA Sí, mashi. ¿Imapitak yanapasha?

VECINA 1 Ñukataka nimapi. Shinapash cruz bendita iglesiamanta pastorta,
ñuka vecinomi kan. Yaku wasipi ninanta huntashka. Ashta, ishpana ukukaman huntashka… Tukuy pamparishka … teléfono illa lakillami…bomberokunata kayachipaychi… Shuk discapacidadwan ushita charin mana yaku ukumanta llukchi ushanchu…

MANUELA Ama llakiyaychu, warmi, kunallata willakrinchi bomberokuna uchalla iglesia ukuman richun…

EFECTO SIRENA BOMBEROS

EUSEBIO Pastorpak ushita ñami llukchirka, wawaka silla de ruedapi tiyahushka. ¡Shinallami kawsay kan! Uyachi antapak yanapaywan kishpirirka, Gumersindapak ushimi, trans kuytsa antsikarin uchalla willaymanta.

PASTOR Kishpirita mañankapak shamuni, Manolo… Manuela… ima shuti kashpapash…

MANUELA ¿Rikurkankichu, pastor? Kawsayka shinallami kan, mana yuyashkakunata rikuchinllami.

CONTROL MÚSICA

EUSEBIO ¡Kikinkuna kaypi kashpaka!..Llakimari… Ushashka tamiaka ashtaka punllakunatami katikun. Hatun larkapash huntarka: Pampakuna kuchayashka. Tarpushkakuna chinkashka. Wiwakunapash wañushka. Kutimbash kutimbash wawtaytukashkanchik. Kallaripika pandemia, kunanka yapa tamiyawanka, yarhay rikurimun.

VECINA 1 Pachami tukurikrinyari…

GUMERSINDA Alita nishpaka: Ñukanchimi tukuchikrinchi. Chaymantami
wasipi tarpushkakunaka maymanta alli kan, kashna llaki pachapi mikunata charinkapak.

VECINA 2 Shinaka, tomate wiñaywan imatapash rurana kanchik. Uchalla rurana kanchik.

GUMERSINDA ¡Hatun mankapi yanushun! Ñukanchi yaya mamakunapak
pachapi shina. Harhaywan runakunaka mikunata charichun.

VECINA 1 Shinami rimana, mashi Gumer

GUMERSINDA Ayllu llaktamanta warmikuna yanushun.

VECINA 2 (IRONICA) Wakin harikunapash, ¿nacha yanapanka?

GUMERSINDA Shina pacha. Murukunata charikkuna, apamuychi. Atalpata
charishpapash. Mikunata charikkuna, churachun. Ayllu llaktapi aasin wasin mañakrinchi.

VECINA 1 Uyachi antapi willachishun. Pipash charishpaka karamuchun.

VECINA 2 Ashtaka runakuna, yapa yakuwan, mana wasimanta llukshi ushan…

GUMERSINDA Wipalakunata warkuchichun.

VECINA 1 ¿Wipalakunata?

GUMERSINDA Imapash finduta, shuk camisetata, toallata… punkukunapi,
wasimanta chapanakunapi churashunchi yurak wipalata maykampash mikunata karankapak munakkunaka… Puka wipalata mayhan llakipi kakkunata…Ari kayka makanakuypi shinami. Yarhamanta wipala, kasi kawsaymanta wipala.

VECINA 2 Ñuka nini, ¿Alcaldesa manachu yanapakman?

VECINA 1 Ari, payka yanapankallami. Gobernadortami mana imatapash mañana kanchi payka corrupto runakunawanllami…

GUMERSINDA ¡Kunanllata hakuchi! ¡Ama kayapa alcaldiata visitankapak
sakishun, kunanllata hakuchi!

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

6 YURAK, PUKA WIPALAKUNAWAN

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.