3 ARI NIKPI, MANA NIKPI
LIBRETO
LOCUTOR Jaboneropak ayllullaktapi
LOCUTORA Pandemiamanta rimaykuna
LOCUTOR Kimsa capítulo
LOCUTORA Ari nikpi, mana nikpi
EFECTO AMBIENTE BARRIO
EUSEBIO Jaboneropak ayllullaktapi tukuymanta uyarin. Haykata yacharkanchi Marta wicharishkata, Apoloniopa warmi, chay antawapi llamkak warmita makaklla. Juchachinkapa rishpaka payra juchachitukushpa llukshirka. Mana yachanchi imashpa, shinapash chayman rirkanchi ima kashkata yachankapak. Shamuychi, shamuychi… Pitak shuk nikipi chayamurka, Apolonio runallatami kashka. Chayta shamukun, mapa mapa wira hunta churanawan.
APOLONIO ¿Imallatayari tukushka, pushak?
POLICÍA ¡Kikinpak warmi muspa ñawi mana pinkay niwarka! ¡shina rimachun mana sakishachu!
APOLONIO ¿mana pinkay muspa ñawi? ¿Imata kan?
POLICÍA Muspa ñawi. Kikin allimi yachanki, Apolonio.
APOLONIO Ari, pushak agente, shinapash… shinapash hamuktay, Martiku manllarishka karka, warmikuna paypak punllakuna charin, kikin yachankimi…
POLICÍA Payka kikinta juchachinkapak shamurka. Makashka nishpa huchachinkapa.
APOLONIO ¿Makashka? Ashtawankarin yapata kuyak nishpa huchachita churachun. Chaytami rurani llantakunata allichishka hipaka, kuyani. (MEDIA VOZ) Warmitaka kuyashpami charina kanchi, pushak agente. Mana kuyakpika Gonzálesmi kichunka.
POLICÍA ¿Pitak González kan?
APOLONIO ¡Kikin llukshikpi pay yaykun! (CARCAJADA DE AMBOS) Rikuy, Kuyashka, kaykuta hapi mishki yakuta upiyanki. Ñuka Martakuta tikrachimupay.
POLICÍA Kunanpilla… (LEVANTA LA VOZ) … ¡Chay raku warmita kacharichi!
CONTROL GOLPE MUSICAL
APOLONIO Martaku, ñuka urpiku… kishpichiway, kishpichiway…Ñuka mana allita rurashkani kikinwan… shinapash kishpichiway, ñukanchi ushimanta…
MARTA Hummm…
APOLONIO Wasiman tikramupay… Ñukaka mana kutin shina kakrinichu… (PAUSA)
MARTA Ari. Shinaka ama kutin makankichu.
APOLONIO Ama pitapash muspa ñawi ninguichu, ¿uyahunkichu? .
MARTA (IRÓNICA) ¿Kikintaka?
APOLONIO (FURIOSO) Rikuy, rimak warmi ¿pitak kani nishpa ninki, ah? Wasipi kayta rimarikrishun, ari. ¡kikimpak mapakunata surkukrini, tukuykunata manchachishpa sakisha!. (SE ALEJAN DISCUTIENDO)
ONTROL MÚSICA DE TRANSICIÓN
EUSEBIO ¿Pitak hamuktankichik? Pay, tachuelakunata ñanpi churashpa katikrin paypak warmipak shimipipash churanka.
Pay warmika, ñuka kumari Martami, paywanllatak kawsana tukun… kunankamanlla.
Ima shina nin, maykan karipash karilla yalisha kaytaka, mana patsak watata kawsay ushankachu warmipash mana makaytukuylla kawsankachu.
CONTROL MÚSICA DE TRANSICIÓN
EUSEBIO Runakunapash shaykunmi, mana imata shinay tukun, tukuy pacha wicharishka kashpaka…
MADRE ¿Kunan ima punllata kan, churi?
HIJO Awaki
MADRE ¿Awaki? Nachu kayna karka…
HIJO Awaki. Tukuy punllakuna awaki kan, má. Tukuy pullakuna shinallatak kan. Shaykushkami kani. Mana mashikunata charini, na mayman shukshita ushani. ¡Ñana ushanichu!
MADRE ¿Ñuka ima huchata charini, churi?
HIJO Nimata, kikimpash ni pipash, chaymanta piñarini, pitapash mana huchachita ushashpa. ¡Mana pitapash makayta ushani! ¡kay pandemiawan ñana ushanichu!
CONTROL MÚSICA DE TRANSICIÓN
EUSEBIO Shuk wamprakuna, ñuka Fredy churi shina, chay siri kawsaypi shuk ruraykunata tarishka.
FREDY Pushak, alcaldesa ¿ima willaykunata charinki ñukanchipak ayllullakta uyachik antamanta?
ALCALDESA Mana allikunachu, Fredy. Capitalman rirkani, telecomunicaciones ukunaman rirkani, pipash mana rikurirkachu. Internetpi mañay niwarka, chay paginapi yaykurkani, shinapsh “wayrapi uyarina yapa huntashka” nin, Ni shuk anta mana yaykunchu.
FREDY Shinapash
ALCALDESA Kutinlla nirkani wayrapi uyarina chushakmi nishpa. Kaykunamanka heladeropak campanapash mana wakanchu.
FREDY ¿Shinaka?
ALCALDESA Shuk shuk pankakunata huntachichun mañarka, informe técnico nishka pankatapash, “proyecto de financiamiento pankakunata”, shinallatak proyecto de gestionpa pankakunatapash, pitak uyachik antapa dueño kakrin nishpapash tapuchisrka…
FREDY ¿Chayka?
ALCALDESA Chayka, ñuka yuyaypi yachani imamanta mana frecuenciata kukta.
FREDY ¿Imamanta, alcandesa?
ALCALDESA Paykuna mana munaymantalla. Runakuna ama rimachu munan, runakuna ama yachakuchun.
FREDY Chukta… ¿chayka?
ALCALDESA Chayka, nima. Proyecto yuyaywan katinchi. Ñuka tayta nin karka kishpichitarapash mañana, mana ari nichun mañana. Ashtawankari, kay uyachi antaka mana kakrinchu “alcaldiapak”, chaypika ñukatami wañuchinka. Shinapash kikinkunata yanapakrini ayllullaktapa uyachik antata charichun.
FREDY Yupaychani, alcaldesa.
ALCALDESA Ninan mutsurishkami, ashtawanka kay pandemia pachapi
FREDY Nipay, kay uyachik antaka yachakunkapak allimi kakrin. Ashtaka wawakunami computadorata mana charin. ¿Imashinata virtualmente yachakukrin? Internetta mana charinchu. Uyachik antataka charinmi. Uyachik antapi yachachita ushanchik.
ALCALDESA shinami, Fredy. Kunanka ninan allitami rurana kanchi ama
pipash rimanakuchun.
FREDY Ñuka tayta Eusebio electronicamanta yachanmi. Pay transmisorta apamuy ushan. Uchilla transmisorta munanchik shinapash tukuy municipiopi uyarichun. Mutsurinchi microfonokunata, shuk antenata, kaykunata churashpa llamkaktapash…
ALCALDESA ¿Imawantak paktachikrinki kay musturishkakunataka?
FREDY Ñami tantanakuypi rimashun. Mashi Gumerwan kullkita tantachikrinchi. Shuk kusashka kuchita rifapi churakrinchik. Hipaman rikushpa rishunmi.
ALCALDESA Ñuka wawkin boletokunata rantisha. Shinaka niway, ¿maypitak uyana antata churakrinkichik?
FREDY Imprentamanta Joaquin mashi paypak wasita mañachikrin. Wasi hawapi antenata churankapak. ¡Kay rurayka allipacha kakrin alcaldesa Magdalena.
ALCALDESA Ña rikukuni kushilla kuyaywan llamkana kakta. Kushillami kani. Ñuka yanapakrini, willaykunaka derechomi kan. Constitución ukupi tukuykunapak derecho. Derechokunataka mana mañankapakchu. Harkanami. Yachanchikmi derechokunata mana harkakpika chinkanllami.
FREDY ¿Rikunkichu? Chaykunatami uyachina antapi willanakanchi, tukuy yachachun. Chaykunamantami mana autorizankapak munankakuna.
ALCALDESA Shinaka…
FREDY SHinaka, arinikpi mana arinikpi… ¡Tukuy ayllukunapa uyachik antata wayraman llukchishunmi!
CONTROL MÚSICA TRANSICIÓN
EFECTO AMBULANCIA QUE PASA
VECINA 1 ¿Imatak tukun, imatak tukushka?
VECINO 1 ¡Leonorpak churi kirumantan urmashka, chay waykuman rina ñanpi tiakun hatun yurumanta!
VECINA 1 Shinapash, ¿imashpata chay wanpra kirupi warkuriashka?
VECINO 1 Señalta maskashpa mashi… Ruku celularkunawan maypipash warkurishpa maskanakun yachakuyta chaskinkapa… ¡Ashtawan wamprakuna urmankakuna!
VECINA 1 Ah, na, kaytaka allichinami. ¡Yachachinamanta inspectorwan rimakrishun!
CONTROL MÚSICA DE TRANSICIÓN
EUSEBIO Ñuka churi Freddy paipak Tabletawan yachakun shinashpa ña colegiota tukuchikun, allillami rihun.
Yachakukun, hamuktakun. Shinapash ¿imatak tukukun 7 wata wawkunawan, 8 wata wawakunawanka?…
Pukllanakun. Kunanka, kay kirumanta urmashkapash.
Chaymanta tawka tayta mamakuna yachaymanta inspectorwan rimankapak mañashka… Ñukapash shimita satikrinimi….
INSPECTOR Ashata shuyay, ashata shuyay… Kaypika tukuykunami shimita killparishpa yaykunka, alcoholta makipi churarishpapash… shina… alli, alli… Leonorpak churi llakiapashkamanta llakiyanimi… shinapash ¿Pitak chayman wichkachun nishka?
VECINA 1 Mana payllachu, inspector. Tukuy wawakunami maymanpash wichikan yachakuyta chaskinkapak…
INSPECTOR Shinami gobierno manarak allí coberturata tukuy llaktakunapi churayta ushashkachu… Kay pandemiaka tukuyta llakichishka… Ashtaka wañuykuna…
VECINA 2 Pandemiaka manllanayaymi, ari, pushak inspector. Shinapasha ashtawan manllanayaymi tyan. ¿Maykan kakta yachanki? Mana yachay. Kashnalla katishpaka, ñukanchik wawakuna cebollatapash yali ashtawan muspami tukukrin.
VECINO 1 Ashtaka wawakunami computadorata, tabletnishkakunatapash mana charin. Kullki illaymanta.
VECINA 1 Charikpipash, mana señal chayanchu. Chayashpapash chinkanllami.
EUSEBIO Señal na chinkakpika, tukuy wawakuna shaykushkashina rikurin, yachachikkuna mana allikuta yachachikpi riksichikpi.
VECINA 2 Yachaykuna tukurikpika mana imapash rikurinchu… Shuk wata chinkarishka, shuk watapash…
VECINO 1 Mana matemáticas mana kashpa historia yachakuymantallachu… Ashtawanka wawapura mana rikurin, mana pukllan, mana rimarin…
VECINA 1 Kayka mana shina katik ushanchu, inspector.
INSPECTOR Kikinkunapa yuyaywan paktami kani. Shinapash, ¿imatatak rurachun munankichi?
EUSEBIO Yachana wasikuna paskarichun, wawakuna yachaykunaman tikrachun… mashikunawan tuparishpa, pukllachun, ashichunpash…
INSPECTOR ¿Contagiarishpaka?
VECINA 1 Contagiaritaka ushankallami, kay shina; tayta ñankunamanta antawakunapi wasiman tikrakpi.
INSPECTOR ¿Kikinkuna yachana wasikuna paskaripika kachankichimancha?
VECINA 2 Ari. Shinapash ama nanaykunata hapichun tukuyta rikuriyakpi. Shimi killparinawan, tyarinakunata karu karulla churakpi, ashalla yachakukkuna kachun, yaykuhukpi temperaturakunata hapichun… chay tukuykunata.
EUSEBIO wayra purichun ventanakuna paskashka kachun… Hatun panpakunapi pukllachun… kanchakunapi…
INSPECTOR Tukuy yachachikkunami yachashpa shinallatak vacunarishka kana… Alli pacha. Chaytami rurashun… ¡yachaykunaman tikrankapak! (APLAUSOS) Chaytakarinpash kikinkunapa hawa. ¿Ari ninkichichu?
VARIOS ¡Ari, ari ninchimi!
INSPECTOR Imata ruranakunata ña kachakrini…shukpankata killkachikrini… llakika tiyakrami… ¿shinaka kikinpak hawan?
TODOS ¡Ñukanchipak hawa sakirichun!
CONTROL MÚSICA DE CIERRE
LOCUTORA Radialistas Apasionadas y Apasionadoskunapak llankaykuna.