4 MURCIELAKUMI UNKUYTA APAMUSHKA

Jaboneropak ayllullaktapika tukuykunami kushilla. Ashtaka killakuna hipa, yachana wasikuna paskarishkamanta. [Versión Español] Radionovelakunapi: Jaboneropak Ayllullaktapi.

<< ANTERIOR || SIGUIENTE >>

LIBRETO

LOCUTOR Chusku capítulo

LOCUTORA Murcielakumi unkuyta apamushka

CONTROL MÚSICA CARACERÍSTICA

EFECTO AMBIENTE BARRIO

EUSEBIO Jaboneropak ayllullaktapika tukuykunami kushilla. Ashtaka killakuna hipa, yachana wasikuna paskarishkamanta.
Leonor mashipash, chay kirumanta urmashka wawapak mama, ninan kushilla. Wawataka fakishka chakita enyesashka, chay hipa yachanaman rita usharka. Gumersinda mashi, chay ruku bodegamanta, paytallami mana yapa kushilla kakta rikurkani.

POLICÍA ¿Kikinchu kanki, mashi Gumersinda, hospitalmanta shuwashka covidpa pruebakunata hatukunki nin?

GUMERSINDA Mana, mana, mashi… ari ñukaka… ñuka… ñuka (LLORA)

POLICÍA Wakay, wakay… Ña yachani imamanta Joboneropak ayllullakta shutichishkata… kikin; allí warmi, tukuykunamanta kuyaytukushka warmi… kayta rurakunki…

GUMERSINDA Ñuka mana munarkanichu, pushak policía, chay maymatachari wamprakuna mañawarka, maymanta ruray nishpa… chay puka motopi purikkuna…

POLICÍA Kaypimi cajakuna covidta rikuna pruebakunawan… warmi, kaykamanta juchachi tukunki.

GUMERSINDA Ñuka yachanimi, shinapash… ¿imatatak ruray ushayman karkani? Yankamanta huchachishun nirka. Wawata maytushka shina charinakuwarka.

POLICÍA Cabo, chay cajakunata camionetapi apachi. Kikin, mashi Gumersinda, comisariapi imashina kashkata willachinkapa haku. ¡kikinta kaymantaka tukuy santokuna tantanakushpapash mana kishpichinkachu!

CONTROL MÚSICA DE TRANSICIÓN

EUSEBIO Llakima mashi Gumersinda. Wakashpandi comisaria ukuman chayakun, uma kumurishka. Chay wakli wamprakunami urmachiriyanka… Ñuka riksini shuk yuralla wampra tukuy pacha motopi purín mana allí ruraykunata shinashpa… Llakima mashi Gumer… kay pachakunapira llakipi urmashka, uyarina antata kallarichiman risha yahukpira…
Shamuychi, kayka ñami kallarikrin…

EFECTO BULLA DE FIESTA

FREDY Ari… ari… (SINTONIZANDO)… ¿uyarinchu?… ¿kutin uyarinchu? …mashikuna… kunanka raymipimi kanchi… Kay raymipika wakin mashikunaka uyachina antapimi kan, wakinkunaka wasimanta uyanakun…

VECINA 1 Kuyayay uyachi anta!

FREDY Ñukanchik uyachi antata kallarichi pachapi kapanchik…Alli shamushka kapaychi… maypi kashpapash kayachimupaychi… Maykan shamushkakunaka… Yalipaychi… Karu karulla tiyaripaychi, mascarillata churakupaychii… Kikin mashi shamupay rimapay, microfonokuna mana kaninchu… Shamupaychi tukuykuna huyayay uyachi anta ninkapa, kay uyachi antaka municipiopa, ñukanchik ayllu llaktapami kan. Kaypika alli harikuna alli warmikunami kawsanchik, Joboneropak ayllullakta nikukpipash

EUSEBIO Ñuka churi Fredy kushikushkami kan. Ninantami purishka kay uyachina antata tarinkapak. Transmisor nishkawan ñuka yanaparkani ashata electrónica nishkata yachaymanta.
Ñukapak compadre Joaquin paypak wasipa shuk ukuta mañachirka, wasi hawapi antenata churachunpash sakirka…
Ninantami makanakurkanchi equipokunata, micrófono nishkakunamanta, shukkunamantapash…

FREDY Ñami ñukanchiwan alcaldesa Magdalena Ayala, pay mana yanapakpika mana kay proyectowan llukshinchimanchu karka… ¿Imashinata kanki alcaldesa?

ALCALDESA Ninan kushilla… Kushilla, ña uyachi antata ayllullaktapi charishkamanta… kay uyachi anta mana shuk ayllullaktapilla hapinchu, ashtawankarin tukuy municipiopa ayllullaktakunapi uyarin… Shinapash shuk tapuyta charini… ¿Uyachina antaka ima shutita kakrin?

FREDY Kunan willachikrinchik, alcaldesa. Ñallami ima shina shutichishkata willachikrinchi. Ñukanchik ayllullaktapi shuk tapuykunata rurarkanchi… Tukuykuna shutita akllashka kanmi…

GRABACIÓN (REDOBLE) ¡Sumak kawsay!

FREDY Ari, sumak kawsay uyachina anta. Ñukanchik hatun mamakunapak, taytakunapak, runakuna sumaklla pachamamawan kawsaykunata rikushpa kay shutita churarkanchik. Kunan kallarichishpa sakinchi… ¡sumak kawsay uyachi anta shutiwan!

VECINA 1 (3P) ¡Huyayay uyachi anta!

EFECTO APLAUSOS

FREDY (BAJO) Lula, shamuy, kimirimuy… Ñukanchik shuk willachik mashita riksichini…

LULA kushikushka kani kikinkunawan kashkamanta… shinapash rimanata manllakunimi… ñukaka kayta nunca na rurashkanichu… shinapash kaypimi kanchi, kuyaywan llamkakrinchi…ña wakin prograkunata kay uyachi antapi ruranakushunmi.

FREDY Lula mashi Kikinpak, ¿ayllullaktapa uyachi antaka imata kan? Willachi mashi

LULA Ñuka yuyani, ayllullakpa uyachi antaka kanmi … llaktapak shimi shinami… shinaka microfonokunaka kikinkunapak shimi shina kanka… kaymanta napaykunata ayllukunaman kachankichi, llakikunata willachinkichi…takikunta mañayta ushankichi, vacunakunamanta willachinkichi… Municipio ukumanta hampikunamanta willachinkapa munashpaka kay uyachi anta ukuman shamunalla kankichi… ¡Kay uyachi antaka kikinkunapakmi! (APLAUSOS)

CONTROL MÚSICA DRAMÁTICA

ENFERMERA (LLEGANDO) Janpik, ¿allipacha nanaywan kakkunata
churankapa mashna kamata charinchik?… ¡Janpik!

CONTROL MÚSICA DE FLASH BACK

EUSEBIO Pandemia kallarishkata yarinimi. Mana alli muskuyshinami
karka. Tukuykuna unkunakurka… yapa rupaykunawan hapitukushka, uhuwan, samay illarishpa… hampik wasiman rin karka… wakinkuna chaypillata shitarishpa wañunakurka…
urmashpalla chaypi sakirin karka… wañushkakunatapash mana tantachi usharin karka…

VECINA 2 (LLORANDO) ¡Por Diosmanta, yanapawaychi, ñuka tayta wañukukrinmi!

EUSEBIO Wakin llakta pushakkuna shuk “gripellami” nishpa llullanakurka, mana ima llakipashchu kan ninakurka…

EFECTO BOLSONAROPAK RIMAYKUNA

EUSEBIO Shinapash contagiokuna mirarinakurka.
Tukuy pacha mama llaktakunapi, wañushkakunaka ushashak miranakurka…

EFECTO TRUMPAK RIMAYKUNA

EUSEBIO Gringo presidenteka, yuyarinimi, maskarillatapash mana churakunllu karka… Paypak ruraykunamanta waranka warankakuna wañurka… wañuchik presidentemi karka…

JOVEN ¡Chino virusmi!

EUSEBIO Gringokunaka chinokunata huchachinakurka shinallata chinokunaka gringokunata huchachinakurka.
Murcielagota huchachinakurka. Pangolín nishkatapsh apamurka ninakurka…

CIENTÍFICO Ama, runakuna, ama pantaychichu. Kay epidemiakunaka runakuna pachamamata waklichishkamantami shina rikurin… kirukunata tukuchishkanchi, sachakunatapash, mana kayakpipash satirinchi, mineriakunawan, petroleokunawan tukuyta mapayachinchi… chaypimi virus, na riksishka wiwakuna wacharin shinashpa mana rikushka nanykunata apamun…

EUSEBIO Kunanka hatun corporacionkunata huchachinakun. Ñukaka shina kan yanimi.

EFECTO SEÑAL NOTICIERO
EUSEBIO Ñukanchi hampik wasika huntashkami. Hampikkunataka astronautashina churakushkata rikurkani. Hampikkunaka tutapash punchapashmi llamkanakurka… Ashtakami contagiarishpa wañurka… paykuna, hampikkuna, enfermerakuna, fichakkuna, auxiliarkuna, yachakukkuna… paykunami kay llakipika sinchikuna héroe mashikuna kashka.

ENFERMERA (LLEGANDO) Doctor, shuk wanpra ashalla samaywan…
¿camakuna tiyanchu?

DOCTOR Charinchimi… rikukrini, wañunakukkunata rikuriyana ukupi ishkay cama tiyanmi… kunanaka oxigenomi illarishka. Oxigeno tiyak uku kayna killakunapi waklishka karka, pipash mana alichinkapak shamushkachu. Kutin kutin gobernadorta pushakta mañashkanchik, shinapash nimata mana ruranchu.

ENFERMERA Willachinimi oxigenotaka chay ñankunapimi hatunakun.
Chushak tanquekunatami apanakun ashtaka kullkipak huntachichun…

DOCTOR Runakunapak kawsay kullkita ruranakukkunataka carselpimi wichana… antsikarin covid pruebakunata hatuk warmitaka ñami hapirka.

CONTROL MÚSICA DRAMÁTICA

JUEZ Gumersinda Quispe Qhawa

GUMEERSINDA Servinkapa kaypimi kani, pushak juez.

JUEZ Ñukataka mana servinachu kanki, tukuy ayllukunata servinakanki, ninanta shuwashkatami huchachikun. Tukuykunapa kashka Covid pruebakunata shuwashpa, hatukushka nishpa juchachikrinchik.

GUMERSINDA (CASI LLORANDO) Ñuka mana hapirkanichu, pushak Juez. Ñukataka maymant arurana kanki niwarka, chaykunataka paykunami apamurka. Shuk yuraklla mana shina kanashnalla wampra… Paymi karka. Guapo nishka wamprata payta tapuchi.

JUEZ Kikin nikunki chay Guapoka … ¿chay shuashka puka motopi purikchu?

GUMERSINDA Chayllatami kanka, pushak juez. Maymantami hatuna kanki
nishpa manllachiwarka, chawpi chawpi nishpa. Chawpi paykunapak, chawpi ñukapak.

JUEZ Chay Guapo nishkataka na wicharishaka kakpika wichashun nishpa maskanakun. Ñuka yachani pitak nikukta.

GUMERSINDA Pushak Juez, paykuna nishkata mana hatukpika, wañuchiwanmi karka, wañushkakunapak llaktaman kachakman karka.

JUEZ Rikushun, warmi. Kikinka mana ruranatami rurashkanki, chay shuwa wamprakunapak hucha kakpipash. Shinapash kikinka ñami payallagu kanki. Wichashpa sakishpaka, ¿Imata tarishun? Chaymanta, shuk tukuy watata tukuykunamanta llamkankrinki.

GUMERSINDA kishpichiway mana yachaymanta, shinapash… ¿pushak juez, chayka ima nikuyta?

JUEZ Kay pandemia pachakunapi, mikunakunata charina, tarpuna ninan mutsurishkami.

GUMERSINDA Nimata mana hamuktanichu pushak juez

JUEZ ¿Kikin tarpunata yachankichu?

GUMERSINDA wawamanta, pushak Juez.

JUEZ ¿Kikin yachankichu tarpuna pampata ruranata?

GUMERSINDA Kichpiway, pushak juez, ama wawatashna rimawaychu. Munakpika, kikinpak makipipash tarpuna pampataka rurashallami.

JUEZ Chayta kikin rurakrinki. Kikin yanapakrinki mashikunapa uchilla pampakunapi tarpunawan. 4 pachakunata, lunesmanta vierneskaman paga illak llamkakrinki. Chayshuk 4 pachakunata kikinpak hatuna ukupi imatapash hatuylla. Paktara chay Guapo nishkawan… Ama chay rumipillata kutin waktarinkichu.

CONTROL MÚSICA DE TRANSICIÓN

CONTROL MÚSICA DE CIERRE

LOCUTORA Radialistas Apasionadas y Apasionadoskunapak llankaykuna.

4 MURCIELAKUMI UNKUYTA APAMUSHKA

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.