5 MANUELAPAK CHAYAMUY
LIBRETO
LOCUTOR Picha capítulo
LOCUTORA Manuelapak chayamuy.
CONTROL MÚSICA CARACERÍSTICA
EFECTO AMBIENTE BARRIO
EUSEBIO Chay hatuk Gumersinda mashika ninantami llamkahun.
Chay juezmi shuk watata huertos familiares nishka hawa llamkachun mañarka, covid pruebakunata hampik ukumanta shuwashkata hatukushkamanta… ¡Kikinkuna rikunkichiman shuk hatun uksha muchikuwan tantanakuymanta warmikunata yachachikun!.. lunes punchamanta viernespunchakamann, chusku hatun pachakunata llamkakun… tukuy kuyaywan…
GUMERSINDA Mashikuna, ñukanchik propio huertokunata ayllullaktapi charita ushanchimi. Ñukanchik mikunakunata tarpuy ushanchi. Mana sinchichu…
VECINA 1 Shinapash, ñuka wasipika mana imatapash charinichu, Gumersinda…Kikin yachankimi ima shina kawsanchita, ishkay uchilla ukukupilla shinallatak…
GUMERSINDA … ¿Nachu ventanata charinki?… Wasi ñawpakpi, shuk ashalla allpakupi, jardín pampapi, chaypi tarpuy ushanki… shuk metro allpawan yapapashmi
VECINA 2 Ñukaka shuk departamentopimi kawsani…
GUMERSINDA ¿Nachu terrazakuta charinki?… Pirkakunapipash warkushpa tarpunallami…hatunlla botellakunapi… shuk rukulla mankakunapi…
VECINA 1 ¿Imatatak tarpukrinchi, mashi Gumer?
GUMERSINDA Tukuyta. Brocoli, tomate, acelga, pimientos, zanohorias, tukuy yuyukunata ñukanchik allí mikunata charinkapa. Ali mikuytaka tarinchikmi ñukanchik yuyukunata, murukunata huntachishpa mikushpa.
VECINA 2 Ñuka charishka allpaka mana alichu… Chaypika na ali hiwapash mana wiñanchu…
GUMERSINDA Chaypami wanuta charinchi…
VECINA 1 ¿Chaytaka imashinata rurashun?
GUMERSINDA Kashnalla. Mikunakunamanta tukuy puchushkakunata, lulun karakuna… chay tukuykta tantachishpa shuk killata ismuchun sakina… Chaypika kuykakunami llamkanka… kipamanka chay wanuwan mana allí allpawan chapuna, chayllami.
VECINA 2 Ñuka comadre Josefinaman willakrini paypash kashna tarpuna pampata rurachun.
GUMERSINDA ¿Imashpatak Josefina mana shamushka?
VECINA 2 Wañukunmi. Covid hapishka. Hiwa yakuta upiyashpa, ñami allitukunka.
CUÑA SUMAK KAWSAY UYACHI ANTA, PACHAMAMAWAN ALLI KAWSAY…
FREDY Ari mashikuna… Ñami ñukanchik uyachi antata charinchi, Sumak kawsay uyachi anta. Shinapash… ñukanchikpash kawsanami kanchi, ¿nachu shina kan?
LULA Mana hamuktanichu… Fredy. ¿Imatak chayguanga ningapak munangui?
FREDY Voluntario shina llankanakunchi, nima kullkita hapishpa. Shina allimi, proyectokunawan kallarinkapaka shinallatami kan. Shinapash mana yuyaywanlla, munaywanlla mikunaka rikurimunllu.
QUIQUE Kay llankayka ashtakata kun… ashtaka llankayta kun. Programata rurana, cavinaman shamuna, parlana, shuk programakunawan yanaparina… Ari, kayka ashtaka pachakunatami apan, shinapash nima kullkita mana hapinchichu.
FREDY Uyachi anta voluntariokunawanlla llankamushpaka mana yapa karuta ri ushankachu. Lula yachakuyman rikka mana tikramunkachu. Kan, Quique, kayapa sawarinki, kutinka mana rikurinkichu.
QUIQUE Shinami. ¿kunanka imatak rurashun?
FREDY Publicidad nishkata uyachi antapi yalichita ushanchi, shinapash chaywanlla mana kawsay ushashunllu, shuk uyachi antakuna tukuyta apashpa rinkunami, ñukanchik uchilla uyachi antakunamanka wakinpika imapash chayamun.
LULA ¿Shinaka?
FREDY Alcaldesawan ñami vacunamanta willachinkapa firmarkrinchi. Shuk institución ukukunawampash, allapamata yanapanamanta, warmikunata ama makanamanta willachinkapa llamkashun ni ushanchikmi.
LULA Apoloniopaj takuri shina nachu…
FREDY Shinami, Joboneropak Ayllu llaktapika ashtaka Apoloniokunami tyan.
QUIQUE Ashtakakunata ruray ushanchi. Kay shina, Joaquin sakikpika, kay patiopi, shuk cafeteriata shayachishun. Tiyarinakunata karuyachishpa. Ama yapa kimirialla tiyanakunkapa.
LULA Rifa nishkakunata ruray ushanchi. Canada llaktamanta uyachi antakunaka lotería nishkakunata rurashpa kawsan ninmi. Tukuy semanakuna bingo nishka pukllaykunata rurashpa uyachi antataka ñawpama apan ninkuna.
QUIQUE Tushuykunata ruray ushanchi, chaypi imapash mikunakunata, mishki yakukunata hatuy ushanchi… (MEDIA VOZ)… wakin cervesakutapash hatushunllami.
FREDY Alimi yuyaymi wawki, shinapash hipamanra. Tushuykunata upiaykunataka ña ruray kallarichi nikpira… Yuyarichi ima shina waminsi wasipi yalishkata… (RISAS)
CONTROL MÚSICA DE TRANSICIÓN
EUSEBIO Imashina kashkata. Kunanpipash chayka tiyakranmi. (MUSICA CANTINERA) ¿Uyankichichu?… ¿Nachu chay takikuta uyankichi?
Waminsi wasimanta shamun…
VECINO 1 Kutin chaypimi, alcaldesa…
ALCALDESA (TELEFONO) ¿Kutinlla?… chaykunataka chaupi tutapi llukshik supaypash mana allichingachu. Mana, mana sakikrinichu. Kunanllata policiata kayachikrini.
VECINO 1 Alcaldesa, ama kayaychu,. Uyachi antamanta wamprakuna shuk allí yuyaytami charin. Shuk “uhuhuktallami” munanchik.
ALCALDESA (TELÉFONO) ¿Uhuhukta?
VECINO 1 Ari, uhuktalla munanchik. Ña rikunki…
EFECTO BULLA DE FIESTA
CHICA TOSE, TOSE CADA VEZ MÁS FUERTE
JOVEN Uyay, kuytsa, ¿allichu kanki?
CHICA (SEMPRE TOSIENDO) Chukta… contagiarishkami kani yarin…
JOVEN ¿Unkushkachu kanki?… ¡shinapashmascarilla illak! ¡Ey, mashikuna kaymanta hakuchi, covid, covid purikunmi!… ¡kankunapa kawsaymanta kalpaychi!
CONTROL Ama kanta virus hapichun, ama hapichun…
EUSEBIO (RIENDO) ¡Kikinkuna rikunkichiman!… Raymipi kashkakuna kalpashpa llukshirka… imapash na ali ayata rikushkashna.
Mana mutsurirkachu ni shuk policiata. Shuk warmi uhushpa kanatalla munarka… uyachi antamanta wamprakunapa ali yuyay karka…
CONTROL Ama kanta virus hapichun, ama hapichun…
EUSEBIO Alli Kawsay uyachi antapika tukuymi alli rihun. Ashtawan uyakkunatami charin. Mashipurakuna napaykunata kacharin,
kuyarishkakuna takikunata mañanakun… shinallata ayllullaktapi ima mana alli tiyashkakunata willankapak kayachinmi… Asha pachapilla uyachi antaka mascarillakunatapash yali ninan mutsurishka tukurka … llakikuna rikurimunmi Gumersinda mashipa uchilla wawa punkuta waktachimukpi.
EFECTO TOQUES PUERTA
MANUELA (ALGO FEMENINO) ¡Imanalla!
LULA Imanalla…¿ Kanka nachu Manolo Kanki, Gumerpak churi?
MANUELA Manuela nishpa rimaguay. Kaypimi kani, imatapash imatapash shinay ushasha yashpa shamuni.
LULA ¿Saludota kachasha ninkichu?
MANUELA Trabajuta maskajuni. Locucionta siempre munashkani.
LULA Kaypika, llamkashkamanta mana kulkita hapinchichu. Shinaka…
MANUELA Chaytaka ñami yachani. Voluntaria shinami shamuni. ¿Ima ninguichita?
LULA Ñuka… nimata mana ninichu… Fredyta kayachikrini paymi ñukanchi pushak… ashata shuyay…
FREDY (LLEGANDO) Ari, ari, ña uyarkani Manolo kaypi llamkankapak munakta.
LULA Willakrini, Fredy, payka… nishpaka, payka kari warmimi.
MANUELA Mana shinachu, ñuka Trans nishkami kani. Manuela shutimi kani. Ñukaka harimi wacharirkani shinapash ñukaka warmishinami kani, warmimikani.
FREDY ¿Lula, Mana imapashchu? Sumak kawsay uyachi antapika pipash llamkankallami. Tukuykunapak shimikunata chaskin, uyachinnchi. ¿Manuela imamantatak programata rurankapak munanki?
MANUELA Chaymandallata, Fredy. Discriminación hagua. Shuk layami kanchi, shinapash tukuykuna igual valorta charinchi.
FREDY Contratashkami kanki mashi. (MEDIA VOZ) Contratada shinapash ima kullkitapash mana kushunllu.
CONTROL MÚSICA ALEGRE
EUSEBIO Shinami Manuela ayllukunapa uyachi antapi programakunata rurashpa llmnkay kallarirka.
MANUELA (FILTRO) ¡Sumak Kawsay, kuychi shina sumak uyachi anta!
EUSEBIO Mikunapi akcha yaykun shina, shuk alli ñakcharishka warmi iglesiamanta pastorwan uyachi antaman chayarka …
FANÁTICA ¿Kaychu Sumak Kawsay uyachi anta? ¡manacha sumak waklichik kan! ¡Kay llaktamanta tukuy ayllukunapa allí kawsayta waklichinakunkichi!
FREDY ¿Asha yakukuta munankichu mashi, chaywan yapata kaparikunki chiriyaypapash?… ama shina kashpa maskarillata churakupay.
PASTOR Panika mancharishkami razonta charinmi, ¿imashpatak churankichi… shuk… shuk… hari warmita kay uyachina antapi rimachun eh, eh..
FREDY Ña yuyarirkani, ¿kankunaka millay ayapa señalmanta, chay 666 kunamanta rimanakurkankichi, shinallata chay Plandemia ninakurkankichi nachu?
FANÁTICA Tayta diosta asichilla, shinapash paymi kakankunataka asinka. Uyaychik, mana sakishunchu chay maytapash parlakuk warmi ñukanchik wawakunata waklichichun.
FREDY Shinapash, kikin tapuni… ¿ Manuela imatatak kikinta rurakun?
FANÁTICA Ñukataka nimapi, ñukaka Jesucritopi kishpirishkami kani. Shinapash, ñuka churikunata waklichikun. Chay kari warmi tukuykuna igualmi kanchi nihun. Kari warmi tukuyka kimirinlla ninmi. kari warmi kayka, corona virustapash yali unkuyshinami.
PASTOR Chayta kankuna munankichi, ñukanchi wawakuna kari warmi tukuchun munankichi; kankunaka ninahunkichi kari kanata, warmi kanata akllay ushanalla ninahunkichi.
FANÁTICA Chaytami munanakunkichi…¡ayllukuna piñanakuchun, waklichun!… ¡Llukshi kaymanta supay! ¡llukshi, llukshi!
FREDY Mashi kikinmanka, mana yakuta karakrinichu pasiflora hampitami karakrini… ¡Kutin nipani, shimita kilparipay!
PASTOR San Pablo kashnami nirka; “warmiyashkakuna, hari warmikunapash pachakamakpak reinotaka mana hapinkachu”.
FREDY Kikinkuna Pablopa nikushkata katipaychi. Shinapash kay uyachi antapika Declaración Universal de los Derechos Humanos nikushkatami katipanchi. Shuk niki articulopi nin, tukuy runakunami pakta kan dignidadpi derechopipash. Kaypimi Manuela… Shamuy, Manuela…
MANUELA ¡Imanalla!
FREDY Manuelaka kikinshina runami kan, pastor. ¿ima, shuk mundomanta shamushka yankichu?… Puff… Yupaychani kayman shamushkamanta… Shinapash Manuelaka ñukanchikwan sakirinmi. ¡Bendicionta chaskipaychi!
PASTOR ¡Bendi… ima ninki!
FANATICA Ama apurarichu, pastor. Alimanta ripay, kawsaypika tukuy paypa pacha kanapi chayamuni, usa ñami ñakcha
chayamunka… ñami yachani ima ruranata, ñami yachani imashina mapakunata anchuchinata…¡haku supay, ay, imata niniyari, haku pastor!
CONTROL MÚSICA DE CIERRE
LOCUTORA Radialistas Apasionadas y Apasionadoskunapak llankaykuna.